Urdu Poetry 2 lines images faraz wasi shah sms love pic ahmed farazin english facebook: Best Urdu Poetry

Monday 25 November 2013

Best Urdu Poetry

Best Urdu Poetry Biography

Source(google.com.pk)

Yeh nigaah-e-husn jhukee jhukee, yeh jabeen-e-naaz dhuaaN dhuaaN
Meray bas ki ab naheeN daastaaN, mera kaaNpta hai ruaaN ruaaN

Ho tilism-e-aalaam-e-raNg o boo, ke hareem-e-anjum o kehkashaaN
Mera saath dey gee mery nazar, woh chhupeiN ge jaa ke kahaaN kahaaN?

Meray dil pe naqsh haiN aaj tak woh ba ehtiyaat nawaazisheiN
Woh Ghuroor o zabt ‘ayaaN ‘ayaaN, woh Khuloos o rabt nehaaN nehaaN

Na safar ba shart-e-ma-aal hai, na talab baqaid-e-sawaal hai
Faqat aik sairy-e-zauq ko, maiN bhaTak raha huN kahaaaN kahaaN

Mery KhilwatoN ki ye jannateiN kayee baar saj ke ujaR chukeeN
Mujhay baarha ye huwa gumaaN, ke tum aa rahey jo kashaaN kashaaN

HaiN hunooz yaad woh qurbateiN, woh neyaaz o naaz woh sohbateiN
Woh tuloo’-e-subha Khunuk Khunuk, woh fizaa-e-shaam jawaaN jawaaN

Yeh taKhayyulaat ki zindagee, yeh tasawwuraat ki bandagee
Faqat ek faraib-e-Kheyaal par mery zindagee hai rawaaN dawaaN

===
Hum nay mana is zamanay maiN hansi bhi jurm hai
Laikin is maahol maiN afsurdagi bhi jurm hai

Dushmani tu khair har surat main hoti hai gunah
Ek muayyan hadd say aagay dosti bhi jurm hai

Hum wafa kar kay rakhtay hain wafaon ki umeed
Dosti main is qadar saudagari bhi jurm hai

Iss say pehlay zindagi main itni pabandi na thi
ab to jaisay khud wajood-e-zindagi bhi jurm hai

Aadmi is zindagi say bach kay jaeey bhi kahaan
Maikashi bhi jurm hai aur khud kushi bhi jurm hai

Aik saaghar kay liyay jo baich dain apna zameer
Aisay rindooN kay liyay tashna labee bhi jurm hai

Apni baynoori ka hum Iqbal maatum kion karain
Aaj kay halaat main deeda waree bhi jurm hai

======
kya tha zara si dair main kya ho gaya koi
do din juda raha tau naya ho gaya koi

wo bhi mujhe aziz tha main bhi usey aziz
phir jane kiya huwa k khafa ho gaya koi

meri nazar nay us ko khad-o khaal dey dye
zehra jamaal-e sheh’r-e saba ho gaya koi

mehfil main tha tau chaand ki soorat sabeeh tha
tanha mila tau rung-e hina ho gaya koi

is khush ada guraiz k qurbaan jaai’yye
mujh ko salaam kar k hawa ho gaya koi

ilzaam hum pe aaya k hum musta’id na thai
jab bhi kisi ka teer khata ho gaya koi

mujh jaise be-nawa ko nawaza ba-sadd khuloos
yoo’n bhi barha tha aur barha ho gaya koi.